د علمي او معلوماتي سمينار مفصل راپور (د مصنوعي ځيرکتيا او نوې ټکنالوژۍ په تمرکز سره)
د چهارشنبې په ورځ، د اميد خصوصی ليسې د درنې ادارې د رسمي بلنې پر بنسټ، د کمپيوټر ساينس پوهنځي استاد محبوبالحق حقپال د محصلانو د مدير په ملتیا يادې ليسې ته تشريف يووړ، تر څو د ليسې محترمو شاګردانو ته د کمپيوټر د اهميت، کمپيوټرساينس، مصنوعي ځيرکتيا (Artificial Intelligence) او نوې ټکنالوژۍ (Emerging Technologies) په اړه يو پراخ، علمي او معلوماتي سمينار وړاندې کړي.
د سمينار په پيل کې د کمپيوټر د عمومي اهميت او د ټکنالوژۍ د چټک پرمختګ په اړه خبرې وشوې. ګډونوالو ته دا روښانه شوه چې کمپيوټر نن ورځ د Education، Business، Healthcare، Communication، Banking او Security په برخو کې بنسټيز رول لري او پرته له دې عصري ژوند تصور کېدلی نه شي.
وروسته د کمپيوټرساينس (Computer Science) د رشتې اساسي مفاهيم تشريح شول. په دې برخه کې د Programming، Algorithms، Data Structures، Software Engineering، Databases، Computer Networks او Cyber Security په اړه تفصيلي معلومات وړاندې شول، او شاګردانو ته وښودل شول چې کمپيوټرساينس د ستونزو د حل (Problem Solving) او منطقي تفکر (Logical Thinking) يو مهم علم دی.
د سمينار مهمه برخه د مصنوعي ځيرکتيا (Artificial Intelligence – AI) وه. په دې برخه کې د AI تعريف، تاريخي پرمختګ او د هغې عملي استعمالونه تشريح شول. شاګردانو ته د Machine Learning، Deep Learning، Neural Networks، Natural Language Processing (NLP)، Computer Vision او Robotics په اړه بنسټيز معلومات ورکړل شول. همدارنګه دا هم بيان شوه چې AI نن ورځ په Smart Phones، Self-Driving Cars، Recommendation Systems، Voice Assistants لکه Siri او Google Assistant، او د روغتيا په تشخيصي سيستمونو کې پراخه استفاده لري.
سربېره پر دې، د نويو ټکنالوژيو (New & Emerging Technologies) په اړه هم هر اړخيز بحث وشو. په دې لړ کې د Cloud Computing، Internet of Things (IoT)، Big Data، Blockchain Technology، FinTech، E-Government Systems او Automation موضوعات تشريح شول او دا څرګنده شوه چې دا ټکنالوژۍ د راتلونکي نړۍ بڼه بدلوي.
په سمينار کې همدارنګه د لوړو زدهکړو له نظره د کمپيوټرساينس پوهنځي ارزښت، د AI او ټکنالوژۍ په برخه کې د کاري بازار (Job Market) غوښتنې، او د راتلونکو مسلکونو لکه Data Scientist، AI Engineer، Software Developer، Network Engineer او Cyber Security Specialist په اړه معلومات وړاندې شول، تر څو شاګردان وکولای شي د خپل تعليمي او مسلکي راتلونکي لپاره سم پلان جوړ کړي.
د سمينار په وروستۍ برخه کې د ليسې شاګردانو خپلې پوښتنې، نظريات او علاقې څرګندې کړې، چې د استاد محبوبالحق حقپال له لوري په علمي، ساده او عملي ډول ورته ځوابونه ورکړل شول. دا برخه د شاګردانو د فعال ګډون او زياتې لېوالتيا څرګندونه کوله.
په پای کې د اميد خصوصی ليسې محترمې ادارې د ياد سمينار څخه مننه وکړه او دا ډول علمي، تخنيکي او ارشادي پروګرامونه يې د شاګردانو د ذهني ودې، ټکنالوژيکي پوهاوي او د راتلونکي مسلک د ټاکلو لپاره خورا مهم وبلل. همدارنګه د دواړو لورو تر منځ د راتلونکو علمي همکاريو هيله هم څرګنده شوه.
